1990ean Maulen sortu zen DON QUICHOSSE lantegiak espartinak egiten ditu.
Osoki eskuz josiak diren espartin tradizionalez gain, gaur egungo espartin bilduma bat ere proposatzen du. Kalitateari dagokionez biziki zorrotza denez, Ondare biziaren lantegiaren labela jaso du. Don Quichosse-en kolekzioak modelo sorta zabal bat eskaintzen du, bai forma aldetik, baita material desberdinen aldetik. Honi esker, bere ospeak mugak zeharkatzen ditu.
Frantzian, oraindik lau edo bost lantegik espartinak artisauki egiten dituzte, baina Don Quichosse bakarra da egiazko esku lana egiten duen.
2016an Timothée Cangrand eta bere aitak, Houyou Jaunari mauleko Don Quichosse lantegia erostea erabakitzen dutelarik, diru-laguntzaile bat aurkitzeko ez dute zailtasunik izan. Izan ere, jadanik Herrikoaren akziodunak ziren eta berak Ipar Euskal Herriko ekonomian zuen eragina ezagutzen zuten.
« Herrikoaren laguntzari esker, bankuekin genituen azken trabak gainditu ditugu. Laguntza honi esker, proiektuarentzat behar ginuen dirua azkar eskuratu dugu. » komentatzen du Timothée Cangrand-ek. « Herrikoarekin dugun harremana biziki sinplea eta profesionala da. Perfektua dela erran dezakegu. »
Eta sekulan etorkizunean Don Quichosse-ek dirua behar izaiten balu, xiberutar lantegi gazteak seguraski beste behin Herrikoaren gana joko luke.
