Zergak Frantzian ordaintzen badituzu, Herrikoaren kapitalean dirua ezartzeak irabazien gaineko zerga murrizte bat eskatzeko eskubidea ematen dizu (IR), enpleguak sortzen laguntzen duen sozietate batean inbertituz batera.

Mozkin zergaren apaltzea


Zerga apaltzea egin duzun ordainketaren %18-koa da, 9000€-ko muga bateraino ezkongai batentzat eta 18 000€-raino bikote batentzat. Horrek erran nahi du 50 000€-ko inbestimendu bat lehenarentzat eta 100 000€-koa bigarrenarentzat.

Adibideak

Presuna batek, 1000€rentzat akzioak hartzen baditu 180€ko (1000€ * %18) zerga apaltze eskubideaz baliatzen ahal da.

Ezkongaia den presuna batek 60 000€ ezartzen baditu Herrikoaren kapitalean, 9.000 €ko (50.000 € x 18%) zerga murrizte eskubideaz baliatzen ahal da lehen urtean eta 1.800 €-koaz (10.000 € x 18%) hurrengo urtean diru ixurtze gehiagorik egin gabe.

Irabazien gaineko deklarazioa : nola egin ?


Irabazien gaineko zerga murrizketa galdegin baduzu, beharko den momentuan, HERRIKOAK, irabazien deklarazioarekin batera helarazi behar den agiri fiskala igorriko dizu. Ondotik, 2042-C inprimakiaren7CF sailan (suskripzioa enpresa ertain eta txikien kapitalean), Herrikoak eskainitako agirian agertzen den zure suskripzioaren zama deklaratu beharko duzu.

 

Garrantzitsua : Abantaila hortaz baliatzeko, akzio horiek zazpi urtez atxiki behar dituzu suspripzioaren ondotik (abenduaren 31 arte), Herrikoaren partetik zure aurrezkiaren diru itzultze baten kasuan. Zure akzioak beste pertsona bati ematen baldin badituzu, iraupen hori bost urtera pasako da.